عم يتفلسف الحمار ويخاطب ابن ادم ويقلو
عجبي عليك يا ابن ادم يا كبير الدار....
قومت الدنيا وما ئعدتها لما ئالولك يا حمار....
شو يعني اسمي شتيمة ولا يعني شي عار؟؟؟؟؟!!!!
خلقني ربي وخلقك وما بايدي الاختيار...
وانا مهما زاد الحمل فوقي صابر على المشوار...
لا بيوم ارفع عيني على جارتي...وبصون الجار....
ولا يوم بتطلع على رزق غيري ولا بطئ ولا بغار...
ولا مهر ادفع لحمارتي ولا خواتم ولا سوار...
ولا شقة اجمع بحقها ولا اجهز دار....
ولا حرمتي حامل تتوحم بدها خيار...
ولا بنت تخرج عن طوعي وتجبلي العار...
ولا ابن يدمن ويهلوس ويوقع وينهار...
عايش لحالي ومتهني وليش بدي احتار باكل وبشرب وانهق وما في عندي اسرار...
وعندي ابن ادم يخدمني ليل ونهار وازا جعت يشتيلي برسيم باغلى الاسعار...
وازا مرضت بيعالجني وبقول يا ستار...
خادم امين من غير راتب ولا حتا اجار...
عرفت يا ابن ادم مين طلع فينا الحمار........
موضوع: فلسفة حمار....... 
الخميس يناير 29, 2009 7:03 pm
